الاثنين، 10 يناير 2011

كيف تختاري لون العدسات التي تناسب لون بشرتك

.....هناك عدة اعتبارات تؤخذ بالحسبان .....

أولا : لون بشرتك :
البشره البيضاء مثلا تليق بها كل الالوان تقريبا ، اما السمراء فتليق بها بالغالب
( العسلي والرمادي والبني والاخضر الغامق والتركواز ) طبعا يؤخذ بعين الاعتبار تورد البشره وشحوبها والمكياج الملائم لكل بشره .
ثانيا : لون عينيك الطبيعي:
العيون الفاتحه :
بالغالب يتوفر في كل ماركه مجموعه خاصه لذوات العيون الفاتحه وبالغالب تكون الوان العدسات ذات شعيرات ملونه بلون فاتح نسبيا نظرا لان العيون الفاتحه تمتص اللون اكثر من العيون الغامقه التي تحتاج الى شعيرات اغمق .
العيون السوداء:
معقده جدا في اختيار العدسه ، ولنتيجه افضل في العدسات يجب مراعاة اختيار الوان مناسبه فالاخضر بالغالب لايعطي النتيجه المرجوه عليها ، واكثر الألوان وضوحها عليها ( العسلي ، التركواز ، والرمادي)


العيون البنيه والعسليه :
مثاليه جدا للبس العدسات فاللون بالغالب يطابق ماهو معروض بالصوره ......... وتليق بها اغلب الالوان 
واغلب الفنانات اللي تطلع فيهم العدسات روعه جدا هم اللي عيونهم عسلية أو بنيه ، و سر جمال لون العدسات .......... مدى تناسق لون العدسة مع لون عينيك الطبيعية ............ 
ومن أمثال هالنجوم :


هيفاء وهبي واشتهرت بلون العدسات الرمادي :
رولا واشتهرت بالعيون الزرقاء والرمادية :
أليسا واشتهرت باللون الرمادي سابقا والعسلي في الوقت الحالي :



نتكلم عن أنواع العدسات :
تختلف العدسات من حيث المدة :
تتراوح بين اليومي .........والأسبوعي .... والشهري ..... والسنوي ...... ومنها الدائم ( البعض لسنتين ، ثلاث ، أربع ، خمس سنوات ) 
طبعا تقاس حسب عدد أيام استخدامك لها ...............
يعني مثلا الأسبوعي معناه انك تلبسين العدسات سبع مرات . والمدة اللي تقرينها بكرتونةالمنتج هذي مدة انتهاء المحلول مش العدسة .

طبعا أسعار العدسات:
تقاس بمدتها .......... كل ماكانت مدتها أطول كل ماكانت اغلى .............وفيه اعتبارات أخرى 

وطبعا فيه اعتبارات أخرى تقاس بها سعر العدسة :
مرشح الأكسجين : وهي العدسات اللي تكون فيها مسامات عشان الحدقة تمتص الأكسجين أكثر وهي بالغالب عدسات صحية ومريحة 
نسيج العدسة يأخذ بعين الاعتبار. ودرجة وضوح الرؤية بها . 

ومدة صلاحية العدسة مالها علاقة بجمال اللون يعني سواء شريتي عدسات أسبوعيه أو دائمة من نفس الشركة راح تكون نفس اللون بس الشعور بالراحة فيهم يختلف نوعا ما .

وممكن معرفة مدة صلاحية العدسة :
إذا حاولتي تلبسينها راح تتعبين في لبسها أكثر من قبل 
راح تزلق شوي من الحدقة 
بتلاحظين ضبابيه في الرؤية 
ألم في العين وصعوبة في فتح عينك بعض الأحيان .


ملاحظه :
حذاري من لبس العدسة بعد انتهاء مدتها لأنه ممكن تسبب ضرر في الشبكية أو خدش في الحدقة . 


أما أشهر شركات إنتاج العدسات فهي كالتالي :
ـ فريش لوك ( freshlook ) :

واعتقد أنها اكبر شركه تحتوي على مجموعه كبيره من الألوان ومتنوعة وهي عبارة عن ثلاث مجموعات ...

ـ مجموعه خاصة بالعيون الفاتحة وأسمها (freshlook dimensions):
ـ مجموعه خاصة بالبشرة الحنطيه والسمراء والغامقة ( الأفريقية ) وتحتوي على مجموعتين ( محدده وغير محدده ) وهي المجموعة الكلاسيكية(freshlook color blends):
ـ مجموعه باللمعة وأسمها (radiance) وأعتقد أنها أفتح من المجموعة القديمة .....


ـ إذا حبيتي عدسات تعطيك نفس نتيجة فرش لوك وبرؤيه افضل وشكلها طبيعي اكثر انصحك بـ frequency: 


ماركة كوين كولو qween color 

عدسات اليجنس (elegance):
وهي اشهر عدسات امريكيه على الاطلاق ومن مميزاتها انها مريحه غير كذا محدده بلون الاسود وتعطيك اتساع في شكل الحدقه وتلقين عندهم اكثر من تدرج للون الواحد بس الوانهم الاساسيه محدوده وكلاسيكيه . 
من عيوبها انك ماتجربينها قبل يعني تشترينها على العمياني واسعارها يمكن تعتبر من اغلى العدسات


عدسات (acuvue) من جونسون أند جونسون:
ومن ابرز ميزاتها انها مريحه جدا ، وفيها الوان متعدده البعض متخصص للعيون الفاتحه والبعض للغامقه وهي عدسات شهريه . 
وفيه مجموعه خاصه بالعيون الفاتحه :
وفيه مجموعه خاصه بالعيون الداكنه : 
وأسعارهم بمتناول الجميع.........




طريقة لبس العدسة 
ان شاء الله الطريقه دي توضح للبنات اللي ماعندهمش معلوميه كيفية لبسها ......... واهم شي قووا قلوبكم ........

ـ قبل كل شي اغسلي ايدينك زين بالصابون واشطفيها زين ، ولا تمسحين بمنشفه او حتى كلينكس خليها تنشف لحالها افضل عشان شعيرات الانسجه ماتتجمع على العدسه 

ـ طبعا يلزمك عدسه ، وتأكدي انك تلبسينها في الاتجاه الصحيح مو تلبسينها بالمقلوب لانها تضر العين ، وفيه بنات يحبون يلبسونها بالمقلوب عشان لونها يكون افتح ساعات ... او يتغير لونها ................. 


ـ تأكدي ان العدسه نظيفه والافضل لو تنقطين عليها المحلول وتمسحين عليها ( راح افصل كيفيه تنظيف العدسه) 
ـ الحين امسكي العدسه على الاتجاه الصحيح .
ـ افتحي عينك يعني خلي ايد تمسك جفنك وعيونك مفتوحه على الاخر وحطي بايدك الثانيه بالسبابه العدسه على عينك .
ـ حطي بايدك الثانيه بالسبابه وخلي بقية اصابعك تثبت الجفن السفلي وحطي العدسه العدسه على عينك .
ـ بعد ماتخلينها غمضي عينك وافركيها بنعومه عشان تثبت العدسه في المكان الصحيح . 

طبعا في البدايه راح تكون صعبه انا الحين سرت البسها بالسبابه واثبت الاصبع الاوسط في جفني السفلي فقط وافتح عيني من غير ماثبت يدي يعني البسها بسهوله مجرد اني الصقها بالحدقه وافتح عيني ....... يعني لاتخافون راح تتطورون بس هذا الشرح للمبتدئات . 

وعلى فكره انا احب البسها قبل المكياج وحتى قبل لاحط شي على وجهي عشان مايلزق فيها أي وسخ .


كيفية اخراج العدسه ؟ 

سهل جدا مجرد ان تتمسكين العدسه بالسبابه والاصبع الاوسط وتخرج بسهوله ، بس احذري اذا اظافرك طويله استخدمي الملقط الخاص باخراج العدسات وهو سهل جدا ايضا ..

كيفية تنظيف العدسه ؟ 

بعد ماتخرجين العدسه من عينك حطيها على راحة يدك وقطري عليها بالمحلول وضعي اصبعك عليها وحركي بشكل دائري عشان تزيلين البروتين المتجمع عليها .
اسكبي كميه من المحلول على عبوة العدسات وضعي كل عدسه في المكان المخصص لها .

العنايه بالعدسات:

يجب ازالة البروتين منها بعد كل لبسه ، وكل ثلاث اشهر او ست اشهر حسب استخدامك للعدسه، شيليها لمحل البصريات خليهم ينظفونلك اياها تنظيف عميق . انا عن نفسي انظفها قبل لألبسها وبعد ماألبسها ، ولا تنسين دائما اغمريها بالمحلول ، مش الماء لازم المحلول وتأكدي ان المحلول مانشف وكمان تأكدي من صلاحية المحلول لان مدته تنتهي بعد ست اشهر من تاريخ الفتح . 

هناك 4 تعليقات:

  1. الله ينور بجد أحلى موقع شفته

    ردحذف
  2. مشكووووووووووووووووووووووره حبيبتي بجد فدتيني (^_^)

    ردحذف
    الردود
    1. شكراااا ليكى و يارب دايما اقدر افيد كل الناس

      حذف